Ščyry futboł! Charvatyja vyjhrała ŭ Danii tolki pa pienalci. Abodva bramniki za matč adbili pa try 11-mietrovyja
Fantastyka! Dźvie hulni ŭ niadzielu skončylisia ŭ asnoŭny i dadatkovy čas 1:1 i zavieršylisia sieryjaj pienalci.
fifa.com
Asnoŭny čas matča Charvatyja — Danija skončyŭsia ź likam 1:1, choć hulnia była vyklučna adkrytaj i dynamičnaj.
Pryčym dva miačy byli zabityja ŭ pieršyja čatyry chviliny. Spačatku vyznačyŭsia Jorhiensen, a praz try chviliny miač u adkaz zabiŭ Mandžukič.
Potym Danija na 80 chvilin zasušyła hulniu, što pierajšła ŭ dadatkovy čas.
Na 115-j chvilinie ŭ varoty Danii byŭ pryznačany pienalci, ale Łuka Modryč nie zmoh pierajhrać Kaśpiera Šmiejchiela.
U sieryi pienalci byŭ dvuboj hałkipieraŭ: Šmiejchiela i Danieła Subašyča. Charvat adbiŭ try ŭdary, Šmiejchiel — dva.
Charvatyja zhulaje ŭ 1/4 finału z Rasijaj (matč projdzie 7 lipienia), jakaja siońnia pa pienalci vyjhrała ŭ Ispanii.
U paniadziełak: Brazilija — Mieksika i Bielhija — Japonija.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
