Duchmiany piroh z baćvińniem pa asiecinskim recepcie
Zusim niadaŭna ja pisała, jak zrabić chaładnik z buraka smačniejšym. I šmat chto ŭ kamientaryjach zaŭvažyŭ, što jašče lepiej jaho hatavać z baćvińnia!
I kali vy ŭžo pakaštavali taki chaładnik, a baćvińnie ŭ vas ŭsio jašče nie zakančvajecca, pasprabujcie zrabić ź jaho cudoŭny piroh. Hety recept ličycca tradycyjnym asiecinskim, i piroh maje nazvu cacharadžyn.
Hetym razam ja vykarystoŭvała nie baćvińnie, a manhold. Manhold — heta padvid buraka, ale ŭ ježy ŭžyvajucca mienavita jahonyja ściobły, a nie kłubni. Liście hetaj raśliny bahataje na natryj, kalij, mahnij, vitaminy A i Je.
Dla ciesta:
- 300 hr. muki;
- 100 mł małaka;
- 100 mł vady;
- 30 hr. masła;
- 10 hr. śviežych draždžej;
- 1 č. ł. cukru.
Dla načyńnia:
- 200 hr. baćvińnia ci manholda;
- 100 hr. zialonaj cybuli;
- 200 hr. śviežaha syru (naprykład, adyhiejskaha);
- 100 mł niatłustaj śmiatany ci johurtu;
- 1 st. ł. masła;
- sol;
- pierac.
Źmiašać ciopłuju vadu z małakom, pakryšyć u sumieś droždžy i dadać cukar. Hetuju sumieś — da muki, dadać masła i zamiasić ciesta. Pakinuć jaho na hadzinu, kab padniałosia.
Dla načyńnia narezać baćvińnie i cybulu. Syr pakryšyć videlcam, źmiašać ź zielaninaj i śmiatanaj, dadać sol i pierac. Načyńnie lepiej rabić nie zahadzia, a pierad samym užyvańniem.
Ciesta abmiać i dałońniu sfarmavać blin taŭščynioj 7—10 mm. Na blin u centry pakłaści načyńnie. Padniać krai i zaščypnuć ich pasiaredzinie. Razraŭniać piroh, kab atrymaŭsia blin z načyńniem unutry. U centry pakinuć dziračku dla vyjścia pary.
Vypiakać u duchoŭcy 20 chvilin pry 200 hradusach. Pakul piroh haračy, zmazać jaho masłam. Smačna jeści!