Saviet Respubliki ŭchvaliŭ źmieny ŭ zakon ab ŚMI
Saviet Respubliki siońnia na pasiadžeńni ŭchvaliŭ prajekt zakona Biełarusi «Ab uniasieńni źmianieńniaŭ i dapaŭnieńniaŭ u niekatoryja zakony Respubliki Biełaruś», pieradaje BiełTA.
Ministr infarmacyi Alaksandr Karlukievič raspavioŭ, što ŭ zakonaprajekcie praduhledžany vyraznyja patrabavańni ŭ častcy zabieśpiačeńnia abjomu telepieradač biełaruskaj (nacyjanalnaj) vytvorčaści. Havorka idzie pra 15% na praciahu šaści miesiacaŭ i 30% — za dva hady.
U zakonaprajekcie kankretyzavany paradak zasnavańnia, dziaržaŭnaj rehistracyi i pierarehistracyi ŚMI, udakładnieny padstavy dla admovy ŭ ich. Udakładniena taksama, što ŚMI z zamiežnym udziełam u statutnym fondzie mohuć i dalej ažyćciaŭlać svaju dziejnaść na terytoryi Biełarusi pry ŭmovie, što taki zamiežny ŭdzieł nie budzie pavialičvacca.
U zakonie ab ŚMI vyznačajucca pravy i abaviazki ŭładalnika internet-resursaŭ. Siarod abaviazkaŭ — identyfikacyja karystalnikaŭ. Akramia taho, prapanujecca abaviazać uładalnikaŭ internet-resursaŭ analizavać ich źmiest.