Try varyjanty, što rabić z restaranam u Kurapatach — abirajcie
22 červienia ŭładalnik restarana ŭ Kurapatach Leanid Zajdes sustreŭsia ź lidaram partyi BNF Ryhoram Kastusiovym i amierykanskim advakatam Jurasiom Ziankovičam. Pa słovach Kastusiova, Zajdes vyjšaŭ na jaho praź siabroŭ, paviedamlaje Jeŭraradyjo.
Biznesoviec prapanavaŭ try šlachi vyrašeńnia ciapierašniaj situacyi vakoł Kurapat:
— uładalnik hatovy pradać kompleks całkam pa bałansavym košcie pradstaŭniku hramadstva, jaki vykarystaje zabudovu ŭ inšych metach,
— uładalnik hatovy ŭkłaści sto tysiač dalaraŭ u miemaryjał Kurapaty i źmianić farmat svajoj ustanovy — z zabaŭlalnaha na siamiejny,
— uładalnik hatovy pradastavić adzin z budynkaŭ kompleksu dla stvareńnia ŭ im muzieja «Kurapaty», pieradać hramadskaj i palityčnaj arhanizacyi na bałans hetaje pamiaškańnie. Adharadzić jaho ad kompleksu, zabiaśpiečvać kamunałku, pierafarmatavać kompleks z zabaŭlalnaha ŭ siamiejny.
«Chaciełasia b pa maksimumu skarystacca mahčymaściu i pieratvaryć hetuju ŭstanovu ŭ miemaryjał Kurapaty. Ale ja razumieju, što siarod pradstaŭnikoŭ demakratyčnaha hramadstva nie znojdziecca čałavieka, jaki zdoleŭ by vykupić hety kompleks całkam i pieravieści jaho ŭ farmat miemaryjału. Kali znojdziecca taki čałaviek, albo niekalki asob, jakija chacieli b ukłaści srodki, to heta byŭ by samy idealny varyjant», — skazaŭ Kastusioŭ.
Na 29 červienia zapłanavana vialikaja sustreča ŭładalnikaŭ kompleksu, abaroncaŭ Kurapat i uładaŭ.
Apytanka
