Ułady prakamientavali čutki pra pavyšeńnie piensijnaha ŭzrostu dla žančyn da 63 hadoŭ
Fota Siarhieja Hudzilina
Prapanovy ab novym pavyšeńni piensijnaha ŭzrostu dla žančyn nie prapracoŭvajucca.
Pra heta zajaviŭ siońnia namieśnik ministra pracy i sacyjalnaj abarony Valeryj Kavalkoŭ na anłajn-kanfierencyi, jakaja prachodzić na sajtach BIEŁTA i ministerstva.
Niadaŭna ŭ ŚMI źjaviłasia infarmacyja, što piensijny ŭzrost dla žančyn (da 63 hadoŭ, jak i ŭ mužčyn) moža praciahnucca paśla 2022 hoda. Imaviernaść hetaha Valeryj Kavalkoŭ nie paćvierdziŭ. «Prapanovy pa hetym pytańni ŭ ciapierašni čas nie prapracoŭvajucca», - skazaŭ jon. Toje ž, pavodle słoŭ namieśnika ministra, tyčycca i temy źmianieńnia paradku vypłat pracujučym piensijanieram — na siońniašni dzień jano nie abmiarkoŭvajecca.
Nahadajem, što zhodna z ukazam Łukašenki ad 11 krasavika 2016 hoda praduhledžvajecca paetapnaje štohadovaje pavyšeńnie na 6 miesiacaŭ ahulnaŭstanoŭlenaha piensijnaha ŭzrostu — da 1 studzienia 2022 hoda mužčyny buduć vychodzić na piensiju ŭ 63 hady, a žančyny - u 58 hadoŭ.
