«Krajavid» Maleviča pradali na aŭkcyjonie ŭ Łondanie za $10,4 miljona
Karcinu mastaka-avanhardysta Kazimira Maleviča «Krajavid» pradali na aŭkcyjonie ŭ Londanie za 7,88 młn funtaŭ (10,4 młn dalaraŭ), paviedamiŭ aŭkcyjonny dom Christie's pa vynikach viačerniaha handlu «Mastactva impresijanizmu i madernizmu».
Malevič napisaŭ «Krajavid» u 1911 hodzie pad upłyvam tvorčaści francuskaha mastaka-postimpresijanista Pola Siezana.
#AuctionUpdate#KazimirMalevich's Landscape realises a #WorldAuctionRecord for the artist in this medium achieving £7,883,750. It's characterised by gestural brush strokes and an expressive use of colour, referencing Fauvism & Cubism and anticipating his move towards Suprematism. pic.twitter.com/WXCFYdlosj
«Rabota naležyć da tak zvanaj «čyrvonaj seryi» — seryi tvoraŭ mastaka, jakija vyłučajucca enerhičnymi mazkami i vyraznymi kolerami, adsyłajuć hledača da spadčyny favizmu i kubizmu, adnačasova z hetym apiaredžvajučy stanaŭleńnie suprematyzmu», — adznačajecca ŭ paviedamleńni aŭkcyjonnaha doma.
«Krajavid» upieršyniu byŭ pakazany na «Maskoŭskim salonie» ŭ 1911 hodzie. Naleta jon ekspanavaŭsia na vystavie pieciarburskaha «Sajuzu moładzi». U 1927 hodzie ŭ Berlinie prajšła vystava najlepšych pracaŭ mastaka, u lik jakich uvajšoŭ i «Krajavid», jaki zastaŭsia ŭ Berlinie paśla viartańnia Maleviča ŭ Rasieju. Pracu znajšli paśla vajny. «Krajavid» nabyŭ Bazelski mastacki muzej, dzie karcina znachodziłasia bolš za paŭstahodździa, a potym była viernutaja naščadkam mastaka. Na ciapierašnija tarhi karcina była vystaŭlenaja z pryvatnaj kalekcyi.
15 traŭnia 2018 hodu na aŭkcyjonie Christie's za bolš čym 85,8 młn dalaraŭ taksama była pradadzienaja karcina Maleviča «Suprematyčnaja kampazycyja».