Kraŭ zbožža i navat kambajny: eks-dyrektar smarhonskaha pradpryjemstva «Kreva» atrymaŭ vosiem hadoŭ kałonii
Sud Smarhonskaha rajona vynies prysud byłomu kiraŭniku sielskahaspadarčaha pradpryjemstva ahraharadka «Kreva» Vierdykt suda — 8 hadoŭ kałonii va ŭmovach ŭzmocnienaha režymu, paviedamlaje kraj.by
Dziaržaŭnaje abvinavačańnie ŭ sudzie padtrymlivaŭ namieśnik prakurora Smarhonskaha rajona Siarhiej Kavalčuk.
- Abvinavačvanamu staviłasia ŭ vinu dźvie častki artykuła 430 KK «Atrymańnie chabaru», u tym liku paŭtorna. Suma chabaraŭ — 2 335 rubloŭ 50 kapiejek. Akramia hetaha, jon vinavaty pa 3 punktach 210 artykuła KK - kradziež šlacham złoŭžyvańnia słužbovymi paŭnamoctvami ŭ bujnym i asabliva bujnym pamierach. Ustanoŭlena, što kraŭ zbožža, zapčastki mašyn i navat kambajny. Škoda, pryčynienaja pradpryjemstvu kradziažami, skłała kala 38 tysiač rubloŭ, — raspavioŭ Siarhiej Kavalčuk.
Siarhiej Kavalčuk raspavioŭ, što abvinavačvany ŭ sudzie pryznaŭ vinu častkova. Jon admaŭlaje atrymańnie chabaraŭ i kaža, što techniku braŭ na čas, kab potym viarnuć. Karyślivaha namieru, pa viersii byłoha kiraŭnika, u jaho dziejańniach nie było.