U adnym z dvaroŭ Minska ŭstalavali bałardy. Što heta takoje?
Na ŭjeździe ŭ adzin z dvaroŭ Centralnaha rajona źjavilisia bałardy, pišuć Minsk-naviny.
Darožnyja słupki, jakija padymajucca ź ziamli, kab pieraharadzić transpartu šlach, i apuskajucca, kab prapuścić aŭtamabili žycharoŭ i arandataraŭ, pastavili ŭ dvary doma № 23 na pr. Niezaležnaści (dom, dzie «Makdonalds» i ŭniviersam «Centralny». Padobnyja kanstrukcyi jość na ŭjeździe da Pałaca Niezaležnaści.
Jak raspavioŭ namieśnik kiraŭnika administracyi Centralnaha rajona Vadzim Pieradnia, ustanoŭku vyrablali na praciahu davoli doŭhaha terminu, ale dziakujučy ciarplivaści i dypłamatyčnaści žycharoŭ vynik dasiahnuty.
— Reč u tym, što dvarom karystajucca mnohija subjekty haspadarańnia, damovicca z usimi akazałasia nialohka, - rastłumačyŭ V. Pieradnia. — Ale ŭsio atrymałasia, niekatoryja arandatary razam z žycharami doma pryniali ŭdzieł u finansavańni hetaha prajekta.
