Iryna Jabłonskaja prapanavała ŭładalnikam restarana ŭ Kurapatach płan kapitulacyi
Pračytaŭšy ŭvažliva ŭsie vašyja kamientary, pračytaŭšy reakcyju ludziej na moj post u sacyjalnych sietkach i ŚMI, ja zrazumieła, što mianie čytajuć absalutna ŭsie — asabliva tyja, chto źjaŭlajecca i ŭładalnikam «Pajedziem, pajadzim» i blizkaje atačeńnie.
Biez demahohii prapanuju nastupnaje rašeńnie pytańnia uładalnikam: addać častku pabudovy pad budaŭnictva miemaryjała (tuju častku, na jakoj niezakonna była pabudavana ŭstanova), samim za svoj košt uźvieści miemaryjał (u vas jość takaja mahčymaść), tym samym uviekaviečyć svaje imiony ŭ pamiaci ŭsiaho čałaviectva i atrymać pašanu i chvału ad usiaho biełaruskaha naroda i ŭsieahulnaje daravańnie za ŭźnikłaje «nie pa vašaj vinie» nieparazumieńnie, pierajmienavać ustanovu ŭ, naprykład, «Kurapaty» (mahčymy inšy varyjant), tamu što sapraŭdy kala miemaryjała pavinna być infrastruktura (ježa i tualety) z poŭnaj zabaronaj praviadzieńnia tam zabaŭlalnych mierapryjemstvaŭ.
Paviercie, heta budzie najlepšym vašym układańniem u žyćci i vy chutka adabjacie ŭsie svaje hrošy. Vam usio roŭna ludzi nie daduć pracavać, tamu što hramadzian, jakija pamiatajuć i šanujuć pamiać biaźvinna zabitych, bolš, čym tych, u kaho nie zastałosia ničoha śviatoha. U taki farmat ustanovy buduć vazić čarody aŭtobusaŭ z ekskursijami z usiaho śvietu — u vas buduć i jeści, i pić, i taki farmat pryniasie našmat bolšyja hrošy, čym The View (tut naohuł jeści niemahčyma) i «Hrand Kušaviel» (vielmi škada, što bolš nie zmahu siudy chadzić, tamu što mnie ŭsio padabałasia, ale ja vielmi pryncypovy čałaviek i ŭ horadzie adkryłasia vielmi šmat novych ustanoŭ). Prapanuju i prašu i vas, darahija maje ŭsie, ihnaravać i hetyja restarany ŭ znak pratestu datul, pakul nie vyrašycca pytańnie ź miescam la Kurapataŭ.
