Zaskočyŭ u adkrytaje akno i adklučyŭ ruchavik: u Łojevie milicyjanier na chadu spyniŭ aŭtamabil
uvd.gomel.by
Zdareńnie adbyłosia 15 červienia. U łojeŭskaje RAUS patelefanavała žančyna i skazała, što doma jaje 65-hadovy muž učyniŭ skandał. Na miesca byŭ nakiravany milicejski narad, paviedamlaje sajt abłasnoj milicyi.
Praz paru chvilin žančyna pieratelefanavała. Jana dadała, što były muž sieŭ za rul mašyny i vyjechaŭ u nieviadomym nakirunku. Dadatkova da miesca zdareńnia byŭ nakiravany narad DAI.
Pry padjeździe milicyjanty na susiedniaj vulicy zaŭvažyli patrebnuju mašynu. Na nieadnarazovyja patrabavańni spynicca, mužčyna nijak nie reahavaŭ, praciahvajučy chaatyčna jeździć pa horadzie.
U niejki momant parušalnik skinuŭ chutkaść i vyjechaŭ na skryžavańnie. Hetym skarystaŭsia milicyjant-kiroŭca RAUS staršyna milicyi Siarhiej Załužny, u jakoha ŭ toj dzień byŭ vychodny i jaki žyvie pobač.
Jon vyjšaŭ na vulicu na huk sireny. Supracoŭnik na chadu skoknuŭ u adkrytaje aŭtamabilnaje akno, vyklučyŭ pieradaču i zahłušyŭ ruchavik, prymusiŭšy parušalnika spynicca.