Rabotnik dziciačaj balnicy zarabiŭ na chabarach 46 tysiač rubloŭ
Upraŭleńniem Śledčaha kamiteta pa Minskaj vobłaści zavieršana rasśledavańnie kryminalnaj spravy ŭ dačynieńni da byłoha namieśnika hałoŭnaha ŭrača pa technicy Minskaj abłasnoj dziciačaj kliničnaj balnicy, jaki byŭ zatrymany ŭ studzieni za atrymańnie chabaru.
Pa dadzienych śledstva, doktar, u koła abaviazkaŭ jakoha ŭvachodziła ažyćciaŭleńnie administracyjna-haspadarčych funkcyj miedustanovy, sistematyčna vykarystoŭvaŭ słužbovyja paŭnamoctvy ŭ karyślivych metach.
Ustanoŭlena, što z maja 2015 hoda pa śniežań 2017 hoda jon nieadnarazova atrymlivaŭ chabar ad pradstaŭnikoŭ budaŭničych arhanizacyj za pryciahnieńnie ich u jakaści padradčykaŭ dla vykanańnia rabot pa ramoncie na abjektach miedycynskaj ustanovy, zaklučeńnie ź imi damovaŭ padradu, stanoŭčuju pryjomku vykananych imi rabot i ich svoječasovuju apłatu.
Śledstvam sabrany dokazy pa 24 faktach pieradačy słužbovaj asobie hrašovych srodkaŭ bolš čym na 46 tysiač rubloŭ.
