Kiraŭnik MUS Niamieččyny pra Mierkiel: Bolš nie mahu pracavać z hetaj žančynaj
Kiraŭnik MUS Niamieččyny i staršynia bavarskaha Chryścijanska-sacyjalnaha sajuza (CHSS) Chorst Ziejechofier skieptyčna acaniŭ mahčymaść svajho dalejšaha supracoŭnictva z kancleram krainy Anhiełaj Mierkiel.
«Ja bolš nie mahu pracavać z hetaj žančynaj», — skazaŭ Ziejechofier pra Mierkiel, paŭtaryŭšy hetyja słovy dvojčy. Jak adznačaje vydańnie, pryčynaj takoha staŭleńnia stała sprečka pamiž bavarskim CHSS i jaho partnioram pa błoku — Chryścijanska-demakratyčnym sajuzam (CHDS) Anhieły Mierkiel, z nahody procidziejańnia nielehalnaj mihracyi. U pryvatnaści, sprečka datyčyła taho, ci možna biežancaŭ, jakija ŭžo byli zarehistravanyja ŭ inšaj krainie Jeŭrasajuza, razvaročvać na niamieckaj miažy i nie puskać na terytoryju Niamieččyny.
Sprečka pamiž CHSS i CHDS pravakuje ŭ błoku ŭzajemny niedavier. Kiraŭnik MUS ličyć, što mihracyjnuju palityku Hiermanii treba zrabić bolš žorstkaj. Jon adznačyŭ, što hatovy pajści na heta biez sankcyi Mierkiel. Kanclerka, u svaju čarhu, nastojvaje na praviadzieńni ahulnajeŭrapiejskich debataŭ na mihracyjnuju tematyku.
