Pravaja ruka Viktara Prakapieni Mikałaj Markoŭnik: Naša sistema adukacyi rychtuje budučych biespracoŭnych
Mikałaj Markoŭnik u 31 hod staŭ kiraŭnikom kampanii VP Capital, jakaja inviestuje miljony dalaraŭ u technałahičny siektar. U intervju 42.tut.by top-mieniedžar raspavioŭ, jak jon pryjšoŭ na hetuju pracu i jakija navyki siońnia nieabchodnyja ŭ kiravańni.
Mikałaj skončyŭ jurfak BDU, abaraniŭ dysiertacyju pa pravu, 8 hadoŭ pracavaŭ u advakackim biuro. U jurydyčnaj firmie «Ułasava, Michiel i partniory» jon śpiecyjalizavaŭsia na inviestycyjach. Prajšoŭ šlach ad pamočnika da starejšaha jurysta i advakata. U kancy 2014 h. vioŭ pieramovy z kampanijaj pra ŭmovy partniorstva i zusim nie dumaŭ pra źmienu pracy. I tut jamu patelefanavała byłaja kaleha, jakaja hodam raniej syšła pracavać u kampaniju Viktara Prakapieni EXP (Capital) i rekamiendavała Markoŭnika na pasadu kiraŭnika inviestycyjnaj kampanii Prakapieni VP Capital. Viktar šukaŭ čałavieka, jaki pierš za ŭsio viedaje, jak pracujuć biźnies i inviestycyi, a nie prosta vałodaje teoryjaj.
Viktar Prakapienia.
Mikałaj svabodna havoryć pra kryptavaluty, błakčejn, majninh, pierśpiektyvy raźvićcia rynka technałohij. Jon asvoiŭ hetuju tematyku za hod:
— Zadavać pravilnyja pytańni — heta samy važny i niedaacenieny navyk ŭ biznesie. Zadaŭšy pytańnie, možaš vyhladać niedarečna chvilinu, nie zadaŭšy, budzieš vyhladać niedarečna ŭsio žyćcio. Naša sistema adukacyi, na žal, nie raźvivaje ŭ dzieciach heta ŭmieńnie. Usie viedy, pačynajučy sa škoły, danosiacca da nas u adzina pravilnym farmacie. Heta nie spryjaje pošuku ŭłasnych adkazaŭ.
Mikałaj Markoŭnik ličyć adnym z samych važnych navykaŭ dla top-mieniedžara pierahavornyja.
Na dumku Mikałaja, praz 5 hadoŭ nie budzie «nie IT-siektara» — usie pradpryjemstvy stanuć vykarystoŭvać infarmacyjnyja technałohii i pieratvoracca ŭ IT-kampanii.
Jon ličyć, što dla efiektyŭnaha navučańnia ŭ sučasnym śviecie krytyčna važna samaadukacyja: knihi, anłajn-kursy i znosiny z ekśpiertami.
«Na žal, naša sistema adukacyi nie stvaraje ŭmovy dla padrychtoŭki śpiecyjalistaŭ, zapatrabavanych u novaj ekanomicy. Siońnia jana rychtuje budučych biespracoŭnych i maje patrebu ŭ surjoznaj reformie. Dumaju, što dypłomy ab vyšejšaj adukacyi treba vydavać 30% vypusknikoŭ»,
- skazaŭ Markoŭnik.
Kampanija Mikałaja ciapier aktyŭna pracuje pa dvuch napramkach raźvićcia štučnaha intelektu: u śfiery finansaŭ i ŭ halinie kampjutarnaha zroku.
