Na miescy źniesienych kryžoŭ la restarana ŭ Kurapatach źjaviŭsia šłahbaum
Rabotniki Baraŭlanskaha sielsavieta ŭstalavali ŭ achoŭnaj zonie Kurapataŭ šłahbaum na «stychijnaj» ściažyncy, raskazaŭ Radyjo Svaboda namieśnik staršyni partyi BNF Alaksiej Janukievič.
Ściažynka, na jakoj źjaviŭsia šłahbaum, prachodzić praz achoŭnuju zonu miemaryjała Kurapaty, dzie ŭ časy stalinskich represijaŭ byli zabityja dziasiatki tysiač, kali nie sotni tysiač biełarusaŭ. Jak miarkujuć abaroncy Kurapataŭ, hetaj darohaj karystajucca supracoŭniki i pastaŭščyki praduktaŭ u restaran, što mieścicca za 50 mietraŭ ad miemaryjała.
Kab spynić ruch aŭto praz «stychijnuju» ściažynku, aktyvisty 12 červienia ŭstalavali pasiarod jaje kryžy, ale ŭ noč na 13 červienia nieviadomyja złamali kryžy i skłali ich la darohi. Aktyvisty adnavili kryžy ŭdzień, ale nastupnaj nočču kryžy źnikli zusim.
