Prakuror paprasiŭ Viarchoŭny sud pakinuć prysud aŭtaram «Rehnuma» ŭ sile
Prakuror paprasiŭ Viarchoŭny sud pakinuć prysud aŭtaram «Rehnuma» bieź źmienaŭ, a apielacyjnuju skarhu biez zadavalnieńnia. Pra heta jon zajaviŭ, vystupajučy 14 červienia ŭ sudzie na pasiedžańni pa razhladzie skarhi asudžanych, piša Tut.by.
Pa słovach prakurora Andreja Savanoviča padstavy i padstavy dla raspačynańnia kryminalnych spraŭ mielisia, a rašeńnie suda pieršaj instancyi pryniata abhruntavanaje.
- Adsutnaść rašeńniaŭ ab pryznańni publikacyj abvinavačanych ekstremisckimi, pra błakavańnie resursaŭ, dzie jany raźmieščany, uklučeńnie artykułaŭ u zborniki nie źjaŭlajucca pieraškodaj dla pryciahnieńnia abvinavačanych da kryminalnaj adkaznaści, — zajaviŭ prakuror Andrej Savanovič. — Z ulikam vykładzienaha prysud pakinuć bieź źmienaŭ, a apielacyjnuju skarhu biez zadavalnieńnia.
Padčas pieršaha pasiadžeńnia ŭ Viarchoŭnym sudzie 12 červienia asudžanyja prasili admianić prysud i ŭsie abvinavačvańni ź ich źniać. Skarhu razhladali troje sudździaŭ Viarchoŭnaha suda.
Rašeńnie Viarchoŭnaha suda pa skarzie budzie ahučana 14 červienia ŭ 12.30.
