Rasijanak zaklikali nie zajmacca seksam z zamiežnikami padčas ČS pa futbole
Staršynia kamiteta Dziaržaŭnaj dumy Rasii pa pytańniach siamji, žančyn i dziaciej Tamara Platniova zaklikała rasijanak nie ŭstupać u intymnyja suviazi z zamiežnikami padčas Čempijanatu śvietu pa futbole. Pra heta jana skazała ŭ intervju radyjostancyi «Havoryć Maskva».
Na dumku Platniovaj, padobnyja pavodziny rasijanak «pryvodziać da naradžeńnia dziaciej u niapoŭnych siemjach».
«Navat kali ženiacca, viazuć da siabie, potym jana nie viedaje, jak adtul (viarnucca — red.). Potym chodziać da mianie ŭ kamitet takija, płačuć dziaŭčatki, što dzicia vyvieźli, zabrali i hetak dalej».
Platniova kaža, što «dośvied Alimpijady-80 pryvioŭ da źjaŭleńnia ŭ krainie mnostva maci-adzinočak».
«Dobra, kali jašče adnoj rasy, a kali inšaj rasy, to zusim. My svaich dziaciej pavinny naradžać. Ja nie nacyjanalist, ale tym nie mienš», — skazała Platniova.
