Nazvany najlepšy biełaruski albom za apošniaje dziesiacihodździe
Aŭtary prajekta Experty.by, umiežach jakohaza 10 hadoŭ było adrecenzavana bolš za 500 biełaruskich dyskaŭ, na raźvitannje skłali rejtynh najlepšych biełaruskich albomaŭ apošniaha dziesiacihodździa.
U hałasavańni brali ŭdzieł štatnyja ekśpierty za ŭsie dziesiać hadoŭ isnavańnia prajekta: pačynajučy z kvarteta zasnavalnikaŭ (Źmicier Biezkaravajny, Siarhiej Budkin, Aleh Klimaŭ, Dźmitryj Padbiarezski), praciahvajučy tymi, chto dałučyŭsia da prajekta paźniej (Konrad Jarafiejeŭ, Jahor Cyvilka, Alaksandr Čarnucha, Mikałaj Jankojć).
Rejtynh uznačaliŭ albom instrumientalnaha trya Port Mone «Thou», vydydzieny ŭ 2014 hodzie. Na druhim miescy — etna-trya «Troica» z dyskam «Zimačka» (2011). U piaciorku taksama trapili pracy post-fołk-mietał hurta Re1ikt «Lekavyja travy» (2015), post-pank-hurta «Pietla pristrastija» «Vsiem dovolen» (2009) i nieisnujučaha ŭžo «Lapisa Trubiackoha» «Viesiełyje kartinki» (2011).
— 13 červienia 2008 hoda adkryŭsia sajt Experty.by, i roŭna 10 hadoŭ paśla my jaho zamarožvajem. Na sajcie zastajecca vialikaja baza recenzij i muzyki. Epizadyčna buduć abnaŭlacca sacsietki prajekta, ale chutčej u režymie «ŭzhadvajučy najlepšyja albomy». Dziakuj usim aŭtaram, muzykam i čytačam. Sychodzim u biesterminovy adpačynak, — patłumačyŭ kiraŭnik prajekta Źmicier Biezkaravajny.
Top-10 najlepšych biełaruskich albomaŭ 2008—2017
- Port Mone «Thou» (2014)
- Troica «Zimačka» (2011)
- Re1ikt «Lekavyja travy» (2015)
- Pietla pristrastija «Vsiem dovolen» (2009)
- Lapis Trubieckoj «Viesiełyje kartinki» (2011)
- Lavon Volski «Hramadaznaŭstva» (2014)
- Tonqixod «Pradmova» (2014)
- Sieriebrianaja svad́ba «Laterna Magica» (2012)
- Akute «Nie isnuje» (2012)
- Pietla pristrastija «Moda i obłaka» (2016)
