Pad Vałožynam 17-hadovy padletak z Rasii zhvałtavaŭ u viaskovaj prybiralni 12-hadovuju školnicu
Pra vypadak raspaviała kraj.by pamočnik prakurora Vałožynskaha rajona Nadzieja Radzievič.
— Maładomu čałavieku ŭžo spoŭniłasia 18 hadoŭ, ale na momant ździajśnieńnia złačynstva było 17, — kaža jana. — Zdareńnie adbyłosia ŭ adnoj ź viosak Vałožynščyny. Dziaŭčynka z dobraj siamji, vučycca ŭ miascovaj škole. Chłopiec, uradženiec i hramadzianin Rasii, žyŭ u svajoj ciotki ŭ toj ža vioscy. U kancy śniežnia 2017 hoda ŭ draŭlanaj prybiralni jon ździejśniŭ sa školnicaj dziejańni seksualnaha charaktaru, pryčym rabiŭ jon heta nasupierak jaje voli i karystajučysia biezdapamožnym stanam dziaŭčynki.
Kali raspačali kryminalnuju spravu, vyśvietliłasia, što abvinavačvany pastajanna prychodziŭ u škołu, dzie vučyłasia paciarpiełaja, niahledziačy na prapuskny režym, i kantaktavaŭ ź inšymi školnikami.
Zaraz vyśviatlajucca mahčymyja supraćpraŭnyja dziejańni maładoha čałavieka ŭ adnosinach da inšych navučencaŭ.
Abvinavačany da suda znachodzicca ŭ kamiery SIZA. Raniej da kryminalnaj adkaznaści nie pryciahvaŭsia.
Złačynstva karajecca pazbaŭleńniem voli ad 8 da 15 hadoŭ.
