U Fłarydzie zahinuli ŭsie ŭziatyja ŭ zakładniki dzieci
Cherie Diez / Global Look Press
Usie čaćviora dziaciej, uziatyja napiaredadni ŭ zakładniki ŭ amierykanskim horadzie Arłanda, znojdzienyja miortvymi. Pra heta paviedamlaje miascovaje vydańnie Orlando Sentinel sa spasyłkaj na zajavu palicyi.
Miortvym byŭ taksama znojdzieny i ŭzbrojeny mužčyna, jaki ŭtrymlivaŭ ich z učorašniaha dnia. Jak zajavili ŭ palicyi, jon skončyŭ žyćcio samahubstvam. Palicejski, paranieny padčas incydentu, znachodzicca ŭ špitali, jaho žyćciu ništo nie pahražaje.
Pa dadzienych pravaachoŭnych orhanaŭ, złačyncam akazaŭsia 35-hadovy Hery Uejn Lindsi. Jon znachodziŭsia pad nahladam u suviazi z abvinavačvańniami ŭ padpale, źbićci i sprobie schavacca ad pieraśledu palicyi. Incydent, u suviazi ź jakim jamu byli pradjaŭlenyja abvinavačvańni, taksama adbyŭsia ŭ Arłanda ŭ 2008 hodzie.
Zachop zakładnikaŭ adbyŭsia ŭ noč na 11 červienia. U palicyju ab bytavym kanflikcie paviedamiła sužycielka złačyncy. Paśla pryjezdu supracoŭnikaŭ pravaachoŭnych orhanaŭ złačynca adkryŭ pa ich ahoń. U zakładnikach u jaho znachodzilisia čaćviora dziaciej va ŭzroście 12, 10, 7 hadoŭ i adnaho hoda.
