Niezaležnych žurnalistaŭ z Hłybokaha aštrafavali ahułam na 80 bazavych vieličyń

Hłybockich žurnalistaŭ Tacianu Smotkinu i Źmitra Łupača sud pryznaŭ vinavatymi ŭ niezakonnym vyrabie i raspaŭsiudzie pradukcyi ŚMI (art. 22.9 KaAP).

Sudździa Ludmiła Vaščanka pastanaviła pakarać Łupača štrafam u 35 bazavych vieličyń (857,50 rubloŭ), a Smotkinu — u 45 bazavych (1102,5 rubloŭ).

Nahadajem, hłybockich žurnalistaŭ abvinavacili ŭ tym, što jany ŭziali intervju i takim čynam ździejśnili niezakonny vyrab pradukcyi ŚMI. Materyjały źjavilisia na sajcie «Biełaruskaha Radyjo Racyja» pad nazvami «Biaźmiežža milicyjantaŭ, abo za što łamajuć nohi piensijanieram», «Jak haradskaja kanalizacyja ŭ Hłybokim stvaryła prablemy», «Jubilejnyja simvały ŭ Hłybokim». A taksama na telekanale «Biełsat» — «Čamu milicyjanty źbivajuć piensijanieraŭ?».

0

0

0

0

0

0