Žury abrała try eskiznyja prajekty miemaryjała ŭ Kurapatach

Žury abrała try eskiznyja prajekty pamiatnaha znaka (miemaryjała) u Kurapatach. Pra heta siońnia žurnalistam paviedamiŭ rektar Biełaruskaj dziaržaŭnaj akademii mastactvaŭ Michaił Barazna, pieradaje BiełTA. U konkursie ŭdzielničała 32 prajekty.

Načalnik upraŭleńnia mastactvaŭ Ministerstva kultury Iryna Rachvałava paviedamiła, što na miemaryjał u Kurapatach sabrana ŭžo 11 786 rubloŭ.

Zbor srodkaŭ pačaŭsia letaś. Inicyjatyva pa stvareńni pamiatnaha znaka ŭ Kurapatach była ahučana padčas kruhłaha stała, jaki adbyŭsia ŭ redakcyi haziety «Sovietskaja Biełoruśsija» 24 lutaha 2017 hoda.

0

0

0

0

0

0