Biełaruski turnir pa valejbole prajšoŭ u Fiładelfii
10 červienia biełaruskaja supolnaść Fiładelfii arhanizavała aktyŭny adpačynak ź ziemlakami «Biełarusy, razam lahčej». U Tamanend Park (Piensilvanija) adbyŭsia turnir pa valejbole (źmiešanyja kamandy), udzieł uziali 8 kamand. Pryjechali adpačyć razam i paspaborničać biełarusy Ńju-Džersi, Piensilvanii i Ńju-Jorka. Na placoŭkach była tolki siabroŭskaja atmaśfiera i duch jadnanńnia. Było tak choraša, što navat doždž nie zmoh sapsavać nastroj hulcoŭ i zaŭziataraŭ. Paśla hulniaŭ pieršyja try miescy atrymali pryzy i pačastavalisia smačnym šašłykom.
Arhanizatary, siemji Akułavy i Kudzinavy, a taksama Rusłan Ražko i Alaksandr Alachnovič raźličvajuć štohod pravodzić padobnyju imprezy, kab abjadnoŭvać biełaruskuju supołku ŭ Fiładelfii i zaprašać biełarusaŭ ź inšych štataŭ.
