Milicyjaniery nie dali pikietčykam pastavić namiot kala «Pajedziem, pajadzim»
U pikietoŭcaŭ restaracyi «Pajedziem, pajadzim», jakaja adčyniłasia ŭ zabaŭlalnym kompleksie za 50 metraŭ ad Kurapataŭ, milicyjanty adabrali namiot, paviedamlaje «Radyjo Svaboda».
Aktyvisty, jakija pikietujuć restaracyju z 31 traŭnia, planavali ŭstalavać hety namiot kala bramy restaracyi, kab pravodzić kruhłasutkavaje dziažurstva.
Spačatku supracoŭnik u cyvilnym, jaki nie nazvaŭsia, uziaŭ namiot u adnaho z aktyvistaŭ nibyta dla ahladu, ale potym pieradaŭ jaho milicyjantam z zahadam ahledzieć na najaŭnaść zabaronienych rečaŭ. U vyniku namiot nie viarnuli.
Paźniej aktyvisty pryvieźli pikietoŭcam inšy namiot, jaki ŭdałosia ŭstalavać. Adnak milicyja zabrała i jaho.
Pieršy namiot kala bramy restaracyi.
Padčas ustalavańnia namiotu zatrymali žurnalistku ź Biełsatu Kaciarynu Andrejevu.
