Mierkiel: Viartańnie Rasii ŭ skład G8 niemahčymaje
Kancler Niamieččyny Anhieła Mierkiel nie bačyć u ahladnaj budučyni mahčymaściej viartańnia da farmatu «vialikaj vaśmiorki» z udziełam Rasii, paviedamlaje DW.
«Aneksija Kryma była vidavočnym parušeńniem mižnarodnaha prava»,
tamu rašeńnie vyklučyć Rasiju z sustreč najbujniejšych industryjalnych dziaržaŭ było pravilnym, adznačyła jana ŭ sieradu, 6 červienia, u Bierlinie, adkazvajučy na pytańni deputataŭ bundestaha.
Kiraŭnik niamieckaha ŭrada padkreśliła nieabchodnaść praciahu intensiŭnaha dyjałohu pa mižnarodnych pytańniach, u tym liku z Rasijaj.
«Ja za pieramovy z Rasijaj, ale z ulikam najaŭnych u nas roznahałośsiaŭ», — adznačyła Mierkiel, spasłaŭšysia pry hetym na «doŭhuju i padrabiaznuju» razmovu z Uładzimiram Pucinym u Sočy, jakaja adbyłasia ŭ mai.
