U Baškartastanie siamja prymała Kryminalny kodeks za Karan i padkładvała synu pad hałavu. Jon pajšoŭ pracavać u MUS
Siamja ŭ Baškartastanie padkładvała synu pad hałavu Kryminalny kodeks RSFSR 1926 hoda na arabskaj movie, jaki jana na praciahu doŭhich hadoŭ prymała za śviatuju knihu musulman Karan, paviedamlaje TASS sa spasyłkaj na pres-słužbu MUS pa respublicy.
U viedamstvie raspaviali, što siamja vyrašyła pieradać Kryminalny kodeks u dar muzieju rehijanalnaha MUS. «Pažyłaja ŭładalnica knihi doŭhija hady prymała jaho za Karan i padkładvała pad hałavu synu. Varta adznačyć, što kali syn vyras, to pajšoŭ na słužbu ŭ milicyju» — adznačyli ŭ pres-słužbie viedamstva.
Miascovaja žycharka Rafija Zinatulina raspaviała, što skrutak z knihaj u jaje siamji pieradavaŭsia z pakaleńnia ŭ pakaleńnie.
«Maci kazała, što heta śviataja kniha, jaje treba zavaročvać u tkaninu i kłaści pad padušku, kab dzieci byli spakojnyja i nie kapryźničali», - raspaviała žančyna, adznačyŭšy, što siamja daviedałasia tolki praź niekalki hadoŭ pra toje, što «śviatoj knihaj» byŭ na samaj spravie Kryminalny kodeks.
