U Kurapatach adznačyli 30-hodździe raskryćcia infarmacyi pra rasstreły
Va ŭročyščy Kurapaty, što pad Mienskam, a 13-j hadzinie 3 červienia pačaŭsia arhanizavany Kansiervatyŭna-chryścijanskaj partyjaj BNF i sankcyjanavany ŭładami mitynh-rekviem «Dzień pamiaci pra hienacyd», paviedamlaje «Radyjo Svaboda».
Fota: Jaŭhien Jarčak, Tut.by.
Pavodle «Svabody», na akcyju sabrałasia niekalki socień čałaviek, a partał Tut.by paviedamlaje pra 200 čałaviek.
Namieśnik KCHP-BNF Juraś Bieleńki zajaviŭ, što kurapackaja trahiedyja nie syšła ŭ minułaje i moža paŭtarycca — jon zhadaŭ, što ministr unutranych spravaŭ Biełarusi Ihar Šunievič nadziavaje formu NKVD (jon kaža, tak «vykazvaje pavahu»), a heta «toje ž Hiestapa i SS», kaža Bieleńki.
Fota: Jaŭhien Jarčak, Tut.by.
Daśledčyki miarkujuć, što pad savieckija represii, jakija mieli masavy charaktar u 1917—1953 hadach, padpali prykładna 600 tysiač čałaviek. Dakładnyja ličby nie viadomyja — KDB dahetul nie raskryŭ archivy. U Kurapatach z 1937 pa 1941 hady NKVD rasstralaŭ, imavierna, bolš za 30 tysiač čałaviek.
Akcyja adbyvajecca na tle pratestaŭ suprać adkryćcia pad samym kompleksam restaracyi «Pajedziem, pajadzim» na terytoryi kompleksu, što raniej atrymaŭ nazvu «Bulbaš-choł».
