Kit u Tajłandzie nahłytaŭsia płastykavych pakietaŭ i pamior
Na poŭdni Tajłanda pamior kit, što prahłynuŭ 80 płastykavych pakietaŭ, paviedamlaje BBC News.
Žyviołu znajšli ŭ vodnym kanale jašče 28 maja. Na miesca vyklikali śpiecyjalistaŭ, jakija sprabavali vyratavać kita, ale 1 červienia jon skanaŭ. Pierad śmierciu kit zvanitavaŭ piaćciu pakietami.
Tajłandski bijołah patłumačyŭ žurnalistam, što kit nie zdoleŭ by vyžyć, bo praz prahłynutyja miaški straciŭ zdolnaść jeści. Akazałasia, što ŭ jaho straŭniku i horle sabrałasia kala vaśmi kiłahramaŭ pakietaŭ, jakija nie dazvalali žyviole prahłynać i pieravarvać ježu.
Ułady Tajłanda ŭ mai abviaścili ab namiery ŭvieści dadatkovy padatak na płastykavyja pakiety. Hetaja kraina źjaŭlajecca bujnym spažyŭcom padobnaj pradukcyi, i ličycca, što jana štohod pryvodzić da hibieli sotniaŭ marskich žyvioł.