U Ispanii raspaviali pra pryčyny sychodu Zidana z pasady treniera «Reała»
Reuters.com
Francuzski śpiecyjalist Ziniedzin Zidan pryniaŭ rašeńnie pakinuć pasadu hałoŭnaha treniera madrydskaha «Reała» z-za roznahałośsiaŭ z kiraŭnictvam kamandy, paviedamlaje AS.
Pa infarmacyi vydańnia, 45-hadovy trenier nie zmoh znajści ahulnaj movy z prezidentam kłuba Fłarentyna Pieresam pa pytańniach tranśfieraŭ. U pryvatnaści, Zidana turbavała adsutnaść jasnaści z budučyniaj Kryšcijanu Ranałdu i Hareta Bejła ŭ kłubie.
Francuz nie byŭ zhodny z žadańniem kiraŭnika kłuba nabyć hałkipiera «Atletyka» ź Bilbaa Kiepu Arysabałahu, a taksama forvardaŭ Robierta Levandoŭskaha i Niejmara.
Adznačajecca, što Zidanu brakavała padtrymki z boku kiraŭnikoŭ «Reała» paśla paviedamleńniaŭ ŚMI pra toje, što staličny kłub maje namier zaprasić na pasadu hałoŭnaha treniera kamandy Joachima Lova i Maurysia Pačecina.
