Kontrraźviedka Ukrainy adchryściłasia ad arhanizatara zamachu na Babčanku
Barys Hierman, padazravany ŭ arhanizacyi zamachu na Arkadzia Babčanku i jaki zajaviŭ ab pracy na kontrraźviedku Ukrainy, nie supracoŭničaŭ ź viedamstvam i nie źjaŭlajecca supracoŭnikam SBU. Pra heta ŭ Kijevie zajaviŭ prakuror Rusłan Kraŭčanka, pieradaje «112 Ukraina».
«Taja infarmacyja, jakuju my majem, nie paćviardžaje infarmacyju ab supracoŭnictvie z kontrraźviedkaj, heta niapraŭda. Jon nie źjaŭlajecca i nie byŭ ahientam Słužby biaśpieki Ukrainy ci kontrraźviedki, jakaja źjaŭlajecca strukturnym padraździaleńniem SBU», — zajaviŭ jon, udakładniŭšy, što pravieryŭ zajavu aryštavanaha na dva miesiacy Hiermana.
Vykanaŭčy dyrektar ukrainska-niamieckaha sumiesnaha pradpryjemstva «Šmajsier» Barys Hierman zajaviŭ ab prynaležnaści da siłavych strukturaŭ Ukrainy 31 maja. Pavodle jaho słoŭ, jon zahadzia ŭśviedamlaŭ, što «vykanaŭca» zamachu budzie supracoŭničać sa Słužbaj biaśpieki Ukrainy, a zabojstva Babčanki budzie insceniravana.