Ziać rasijskaha ministra Łaŭrova staŭ miljarderam
Rasijski bank VTB spačatku paŭhoda tamu vykupiŭ 29% pracentaŭ akcyj rytejłavaj sietki «Mahnit», a ciapier pradaŭ pałovu svajho pakieta. Akcyi na 62,5 młrd rublej ($1,02 młrd) dastalisia kampanii Marathon Group, zasnavanaj byłym kiraŭnikom inviestkampanii A1 (padraździaleńnie Alfa-hrup) Alaksandram Vinakuravym i jaho partnioram Siarhiejem Zacharavym, piša rasijski «Forbs».
VTB — kamiercyjny bank, kantrolny pakiet akcyj u im naležyć rasijskaj dziaržavie. Prezident VTB Andrej Kościn — blizki da Pucina čałaviek i ličycca adnym z samych upłyvovych u Rasii.
Apieracyja z akcyjami «Mahnita» pryciahnuła ŭvahu da asoby Alaksandra Vinakurava. Heta ziać ministra zamiežnych spraŭ Rasii Siarhieja Łaŭrova. Jon paznajomiŭsia z dačkoj Łaŭrova ŭ Brytanii, kali vučyŭsia ŭ Kiembrydžy. Pa viartańni Vinakuraŭ staŭ adnym z samych vysokaapłatnych mieniedžaraŭ Rasii i pastupova raźviŭ ułasny biznes.
