Šaścihadovyja chłopčyk i dziaŭčynka zahinuli nočču na pažary ŭ Babrujsku

Dvoje dziaciej zahinuli na pažary ŭ Babrujsku, paviedamiła pres-słužba MNS.

Paviedamleńnie pra pažar ŭ dzieviacipaviarchovym budynku pastupiła a 02:41. Kali ratavalniki złamali mietaličnyja dźviery, u kvatery na vośmym paviersie było mocnaje zadymleńnie. Na padłozie ŭ spalni byli znojdzienyja 6-hadovyja chłopčyk i dziaŭčynka. Dziaciej pieradali miedykam, adnak, vyratavać ich nie ŭdałosia.

Maci ŭ momant pažaru doma adsutničała. Starejšaje dzicia znachodziłasia ŭ babuli. Pryčyny i abstaviny pažaru vyśviatlajucca.

0

0

0

0

0

0