Byłoha namieśnika dyrektara carkoŭnaha vydaviectva abvinavačvajuć u kradziažy i pieravyšeńni słužbovych paŭnamoctvaŭ
Kryminalnaja sprava ŭ dačynieńni da byłoha pieršaha namieśnika dyrektara vydaviectva Biełaruskaha Ekzarchata nakiravana ŭ sud, paviedamlaje Hienieralnaja prakuratura Biełarusi. Taksama jon zajmaŭ pasadu staršyni rady abjadnańnia «Baćki i nastaŭniki — za adradžeńnie pravasłaŭnaj adukacyi».
Jaho padazrajuć u tym, što jon z 2010 pa 2014 hady zavałodaŭ hrašyma na sumu 1,2 miljona rubloŭ.
Jon taksama niezakonna ŭnies abjekty siadzibna-parkavaha kompleksu druhoj pałovy XVIII stahodździa ŭ statutny fond adnoj arhanizacyi. U vyniku ŭron dziaržavie skłaŭ 3,8 miljona rubloŭ.
Akramia taho, abvinavačanaha padazrajuć u niavypłacie mytnych płaciažoŭ na 212,6 tysiačy rubloŭ.
Dziejańni abvinavačanaha kvalifikavanyja jak kradziež šlacham złoŭžyvańnia słužbovymi paŭnamoctvami pa č. 4 art. 210, uchileńnie ad vypłaty mytnych płaciažoŭ pa č. 2 art. 231, pieravyšeńnie słužbovych paŭnamoctvaŭ pa č. 2 i č. 3 art. 426 Kryminalnaha kodeksa Biełarusi.
