Z futbolnaj lihi vylatajuć «Lakamatyŭ», «Daryda» i «Savit»
Za dva tury da finišu stała jasna, chto niaŭdačniki čempijanatu pa futbole ŭ vyšejšaj lizie.
Za dva tury da finišu vyznačylisia dva z troch niaŭdačnikaŭ čempijanatu Biełarusi pa futbole ŭ vyšejšaj lizie— minski "Łakamatyŭ", jaki debiutavaŭ sioleta, i "Daryda" sa Ždanovičaŭ, jakaja vystupała siarod macniejšych z 2003 hoda. Niezaležna ad vyniku sustreč, što zastalisia, jany nie zmohuć padniacca vyšej za 14-je miesca.
Mahiloŭski "Savit", jaki zajmaje 15-ju pazicyju, tearetyčna moža vyjści z zony vyletu,pakolki maje hulniu ŭ zapasie. Kab zachavać prapisku ŭ lizie, kamandzie treba vyjhrać usie try sustrečy (suprać bresckaha "Dynama", BATE i minskaha "Dynama") i spadziavacca na paražeńni adnoj z troch kamand, što stajać vyšej, — "Niomana", "Tarpieda" albo "Homiela".
Salihorski "Šachcior" zdoleje ŭmiašacca ŭ miedalnuju sprečku trojki lideraŭ — BATE, staličnaha "Dynama" i MTZ-RIPA — tolki ŭ vypadku pieramoh u apošnich dvuch turach i dvuch niaŭdač MTZ-RIPA.
Vyniki matčaŭ, što adbylisia 25 kastryčnika:
"Smarhoń" — "Daryda" — 3:1 (Kałodzin, 5, Šviec, 53, Litvinčuk, 90+3 — Karolik, 65),
"Homiel" — "Łakamatyŭ" — 1:0 (Mkrtčan, 37),
"Šachcior" (Salihorsk) — "Dynama" (Minsk) — 0:1 (Mbananhoj, 56),
"Savit" (Mahiloŭ) — MTZ-RIPA (Minsk) — 1:2 (Marozaŭ, 13 — Kvaracchielija, 64, Tałkanica, 73),
"Nioman" (Hrodna) — "Dniapro" (Mahiloŭ) — 2:1 (Čumačenka, 6, Kavalonak, 56 — Sazankoŭ, 24),
"Naftan" (Navapołack) — "Viciebsk" — 0:0,
"Hranit" (Mikaševičy) — "Tarpieda" (Žodzina) — 0:0.
Stanovišča kamand:
BATE — 60 ačkoŭ (roźnica miačoŭ 49-16),
"Dynama" (Mn) — 56 (43-27),
MTZ-RIPA — 54 (61-34),
"Šachcior" — 48 (49-32),
"Viciebsk" — 47 (35-25),
"Dynama" (Br) — 44 (36-30),
"Naftan" — 42 (38-35),
"Dniapro" — 38 (45-40),
"Smarhoń" — 33 (22-38),
"Hranit" — 32 (33-33),
"Homiel" — 30 (33-45),
"Tarpieda" — 30 (23-31),
"Nioman" — 29 (34-39),
"Łakamatyŭ" — 22 (25-47),
"Savit" — 21 (26-52),
"Daryda" — 19 (25-52).
BATE pravioŭ 26 hulniaŭ, "Tarpieda", "Savit", — pa 27, astatnija kłuby — pa 28.