Z praviłaŭ vyklučana norma ab tym, što ŭ himnazijach pavinny vučycca tolki ŭ pieršuju źmienu
Ministerstva achovy zdaroŭja vyklučyła z SanPiN praviła ab tym, što ŭ himnazijach dzieci pavinny vučycca tolki ŭ pieršuju źmienu.
Pastanovaj Ministerstva achovy zdaroŭja ad 3 maja 2018 h. № 39 ŭnosić źmieny ŭ sanitarnyja normy i praviły «Patrabavańni dla ŭstanoŭ ahulnaj siaredniaj adukacyi».
Tak, dakumient całkam vyklučaje punkt ab tym, što himnazii, licei, kaledžy mastactvaŭ, śpiecyjalizavanyja licei i inš. Mohuć adkryvacca pry «ŭmovie arhanizacyi adukacyjnaha pracesu ŭ pieršuju źmienu». Raniej u takich ustanovach adukacyi druhaja źmiena była zabaronienaja.
Zhodna z novymi praviłami, vučycca ŭ pieršuju źmienu buduć tolki 1, 2, 5, 9—11-ja kłasy ŭstanoŭ adukacyi (niezaležna ad taho, škoła heta ci himnazija), a taksama 8-ja kłasy, u jakich arhanizavana vyvučeńnie asobnych vučebnych pradmietaŭ na pavyšanym uzroŭni.
Pry hetym u 6 -7-ch kłasach ustanoŭ adukacyi, u jakich arhanizavana vyvučeńnie asobnych pradmietaŭ na pavyšanym uzroŭni, druhaja źmiena dapuskajecca — pa ŭzhadnieńni ź miascovymi ŭpraŭleńniami adukacyi i centrami hihijeny, epidemijałohii i hramadskaha zdaroŭja.
Pavodle SanPiN zaniatki ŭ škołach pavinny pačynacca nie raniej 8.00 u pieršuju źmienu, nie paźniej 14.00 — u druhuju źmienu. Pryčym u druhuju źmienu ŭroki pavinny zakančvacca nie paźniej 19.30. Aptymalnym časam pačatku zaniatkaŭ SanPiN ličyć 9 ranicy (u pieršuju źmienu).