Śviatłana Łabada naradziła dačku lidaru Rammstein
Ukrainskaja śpiavačka Śviatłana Łabada naradziła dzicia lidaru Rammstein Tylu Lindemanu. Pra heta paviedamiła vydańnie Starhit sa spasyłkaj na svajakoŭ zorki.
Dziaŭčynka vahoj try kiłahramy i rostam 48 santymietraŭ źjaviłasia na śviet u adnoj z najlepšych klinik Łos-Andželesa Siedar Sinaj, dzie naradžali inšyja znakamitaści, siarod jakich Madonna i Kim Kardašjan. Rody prajšli biez uskładnieńniaŭ: maci i jaje dzicia pačuvajucca dobra.
Łabada nie pryznavałasia ŭ ramanie ź Lindemanam, adnak paviedamlajecca, što za miesiac da naradžeńnia dački jana źjaviłasia na muzyčnym fiestyvali Coachella ŭ majcy ź simvolikaj Rammstein.
Śpiavačka paznajomiłasia z salistam Rammstein u lipieni minułaha hoda na muzyčnym fiestyvali «Śpioka» u Baku. Sama Łabada admaŭlaje blizkuju suviaź z 55-hadovym niamieckim muzykam, u jakoha jość dźvie darosłyja dački.
Heta druhoje dzicia Śviatłany Łabady, u jaje ŭžo jość siamihadovaja dačka Jeva, narodžanaja ad chareohrafa Andreja Cara.
