Jak adnavić meblu, zapeckanuju dziećmi ci sapsavanuju žyviołami
Kali vy z bolem u hałavie dy sercy hledzicie na svaju kanapu ci fatel i razumiejecie, što tak žyć bolš nielha, u vas jość try šlachi: nabyvać novyja rečy, zamović pieraciažku starych ci nabyć čachły i samastojna vypravić situacyju. Apošni varyjant moža zaniać paru hadzin, ale treba krychu padrychtavacca.
Vypraŭlajučysia ŭ kramu pa čachoł, pamierajcie zahadzia svaju kanapu ci što vy tam vyrašyli abnavić. Chirurhičnaja dakładnaść tut nie treba, ale varta dać pradaŭcu choć niejkija źviestki pra pamiery.
Kali vas raptoŭna nakryje žadańnie nabyć čachoł, a ni kanapy, ni ruletki pad rukoj niama — taksama nie biada.
«Samaje hałoŭnaje — viedać madel. — raspaviadaje administratarka kramy «Safateks» Nastaśsia Karotčanka. — Ale kali čałavieku ciažka ŭzhadać, my pakazvajem jamu vyjavy roznych madelaŭ, kab vyznačycca».
Administratarka kramy «Safateks» Nastaśsia Karotčanka.
U kramu zbolšaha prychodziać haspadyni, u jakich małyja dzieci, darahaja mebla ci jość chatnija žyvioły.
«Katy nie dziaruć fateli ŭ čachłach», — adznačaje kiraŭnik «Safateks» Jan Jaraš. Za niekalki hadoŭ u hetym biznesie jon staŭ śpiecyjalistam u samych roznych halinach, navat u pavodzinach žyvioł: — «U ich kipciury zachrasajuć u tkaninie i niama nijakaha zadavalnieńnia».
Kiraŭnik «Safateks» Jan Jaraš
Taksama čachły — vyjście dla tych, u kaho jość lecišča ci dom u vioscy. Usio ž pakiet z tkaninaj tudy davieści praściej za novyja karkasy dy matracy. Dy i nabyć čachoł prosta tańniej, čym inšyja varyjanty abnaŭleńnia mebli.
«Košty na čachły na fateli pačynajucca ad 59 rubloŭ. Jość kalekcyi čachłoŭ za 100 rubloŭ, jość i za 700 rubloŭ (kamplekty na doŭhuju kanapu i dva fateli). Varyjantaŭ bahata, tamu prablem z padboram madelaŭ niama. Navat kali ŭ mebli vysokija śpinki, padłakotniki i inšyja asablivaści — nie biada. Bolšaść čachłoŭ bijaełastyčnyja, ciahnucca va ŭsie baki, tamu padychodziać pad roznyja madeli», — kaža Nastaśsia.
Jana zaznačaje, što tkaninu lohka prać u mašynie na dalikatnym režymie, koler maje zastacca niaźmiennym navat praz 50—70 prańniaŭ.
Časam pa čachły prychodziać ludzi, jakija zrabili ramont, ale meblu pakinuli staruju. Ci nabyli novuju, ale nie trapili ŭ kolery. Takija pakupniki abudžajuć u pradaŭcach ich unutranych dyzajnieraŭ interjeraŭ.
«Časam ludzi prynosiać z saboj kavałački špaleraŭ ci probniki tynkoŭki i my padbirajem varyjanty. Byvaje, čałaviek choča čachoł na kanapu z adnoj kalekcyi, a na fateli ci kresły — ź inšaj. Taksama cikava vyhladaje», — raspaviadaje Nastaśsia.
Hałoŭnaje ŭ hetaj spravie — vyznačycca z koleram i fasonam. Možna papiarednie pahladzieć varyjanty na sajcie. A naciahnuć čachoł na meblu vy zdolejecie i sami, surjozna. Jan daje rady z kanapaj, jak miechanik na pit-stopie. I nie tolki praz toje, što ŭ jaho ruki na ŭsie štuki — heta nasamreč nie składana.
Pierš-napierš vam u kramie pakažuć, jak i što rabić z vašaj pakupkaj. Pa-druhoje, u nabory jość instrukcyja dla tych, kamu treba zamacavać materyjał. I kali raptam atrymałasia nie jak śled, to možacie patelefanavać u kramu i spraŭdzić, ci ŭsio vy robicie słušna.
Zamović čachoł
Čytajcie taksama: Až honar biare. Jak u Biełarusi šyjuć čachły na meblu, lepšyja za zamiežnyja
UNP 192958555 TAA «Jeŭračachoł»
