Kaścioł źviarnuŭsia da Łukašenki z-za pryzyvu ŭ vojska sieminarystaŭ
Katalickija biskupy Biełarusi źviarnulisia da Alaksandra Łukašenki z prośbaj razhledzieć pytańnie ab pradastaŭleńni adterminoŭki ad vajskovaj słužby sieminarystam i śviataram pryzyŭnoha ŭzrostu, paviedamlaje catholic.by
U zvarocie adznačajecca, što z krasavika 2006 hoda ŭpaŭnavažany pa spravach relihij i nacyjanalnaściaŭ nakiroŭvaje ŭ Minabarony chadajnictvy ab pradastaŭleńni adterminoŭki ad pryzyva na terminovuju vajskovuju słužbu dla śviataroŭ i studentaŭ vyšejšych duchoŭnych navučalnych ustanovaŭ.
U žniŭni 2017 hoda Kaścioł padaŭ infarmacyju dla pradastaŭleńnia adterminoŭki dla śviataroŭ i studentaŭ vyšejšych duchoŭnych navučalnych ustanoŭ na 2018 hod. Adnak u mai 2018 hoda sieminarysty i śviatary pryzyŭnoha ŭzrostu pačali atrymlivać paviestki.
«U suviazi z hetym, a taksama z ulikam usio jašče niedastatkovaj kolkaści miascovych śviataroŭ dla pracy ŭ parafijach Biełarusi, i bieručy pad uvahu toje, što ŭ vypadku pryzyvu studentaŭ vyšejšyja duchoŭnyja sieminaryi nie zmohuć isnavać, Kanfierencyja Katalickich Biskupaŭ u Biełarusi źviarnułasia da Alaksandra Łukašenki z prośbaj razhledzieć pytańnie ab pradastaŭleńni adterminoŭki ad prachodžańnia vajskovaj słužby studentam-sieminarystam i śviataram pryzyŭnoha ŭzrostu».
Jak paviedamlałasia, u hetym hodzie paviestki ŭ vajenkamat atrymali kala 20 klirykaŭ katalickaj vyšejšaj duchoŭnaj sieminaryi ŭ Hrodnie, niekalki vychavancaŭ katalickaj sieminaryi ŭ Pinsku, dziesiatki studentaŭ pravasłaŭnaj duchoŭnaj sieminaryi ŭ Žyrovičach. Zaraz jany prachodziać miedycynskuju kamisiju.
