Maradona na pres-kanfierencyi: Niejmar i Mesi — pakul nie ŭzrovień bresckaha «Dynama», ale my źbiarem dobruju kamandu
Padčas pres-kanfierencyi ŭ Abu-Dabi čempijon śvietu-1986 Dyjeha Maradona byŭ pradstaŭleny ŭ jakaści staršyni praŭleńnia bresckaha «Dynama», piša Tut.by.
Maradona adznačyŭ, što jon upieršyniu ŭ svaim žyćci budzie pracavać na hetaj pasadzie.
- Heta novy vyklik dla mianie, ale ja nie źbirajusia zamykacca ŭ kabiniecie. Budu pracavać razam z kamandaj na stadyjonie, budu davać «Dynama» usio lepšaje, kab kłub byŭ bolš kankurentazdolnym. Dla mianie hałoŭnaje, što ŭ futbalistaŭ jość entuzijazm. Ja budu pracavać i z maleńkimi hulcami z akademii «Dynama».
Dyjeha Maradona raspavioŭ i pra toje, kim budzie kamplektavać kamandu ŭ pieryjad dazajavak.
- Dla pačatku treba pryhledziecca da tych, chto jość u našym rasparadžeńni, ubačyć mocnyja i słabyja baki «Dynama». U budučyni možna ŭzmacniacca i futbalistami z AAE, i ź Italii, i z Arhienciny. Viadoma, Niejmar i Mesi pakul zanadta daloki ad nas uzrovień, ale nie sumniavajusia, što «Dynama» zmoža sabrać bajazdolny skład.
