Łukašenka: Uzrovień adnosin Biełarusi sa skandynaŭskimi krainami nieapraŭdana nizki
Pra heta Alaksandr Łukašenka zajaviŭ siońnia, pryznačajučy kiraŭnikoŭ dypłamatyčnych pradstaŭnictvaŭ, paviedamlaje BiełTA.
«I Estonija, i Bałharyja — heta blizkija nam dziaržavy. Jany dobra da nas staviacca, i ludzi tam razumiejuć, viedajuć Biełaruś. U Šviecyi budzie krychu bolš składana, ale, napeŭna, i tam užo peŭny pavarot u bok Biełarusi adbyŭsia. I hetaja tendencyja budzie ŭzmacniacca. Ale sa skandynaŭskimi krainami my majem nieapraŭdana nizki ŭzrovień adnosin, a vučycca ŭ ich možna šmat čamu: u finaŭ, šviedaŭ, narviežcaŭ. Pačynajučy ad drevaapracoŭki i zakančvajučy chakiejem na złobu dnia», - skazaŭ Alaksandr Łukašenka.
Jon kanstatavaŭ, što ŭ dypłamataŭ, naznačanych pasłami ŭ hetyja krainy, pracy budzie dastatkova. «Šviecyja dla nas kraina vielmi važnaja, — padkreśliŭ kiraŭnik dziaržavy. — Usio roŭna, što tam niekatoryja palityki zanadta ŭžo palityzavalisia, usiakaje byvaje. Ale vybudoŭvać adnosiny ź imi treba. Vy viedajecie, što stanoŭčaje salda ŭ tavaraabarocie - heta aksijoma, my na heta pavinny pracavać. Usio budzie dobra, kali budzie ekanomika».
Łukašenka pryznačyŭ novych pasłoŭ Biełarusi ŭ krainach ES
