Ułady Viciebska nie buduć admaŭlacca ad ustanoŭki pomnika ŭ honar kniahini Volhi
Z padradčykam užo składzieny dahavor, a Ministerstva kultury ŭchvaliła prajekt — taki adkaz ź Viciebskaha harvykankama atrymali aŭtary pietycyi suprać ustanoŭki ŭ abłasnym centry pomnika kijeŭskaj kniahini Volzie, paviedamlajuć «Narodnyja naviny Viciebska».
Pietycyja z patrabavańniem da haradskich uładaŭ admovicca ad ustanoŭki hetaha pomnika była raźmieščana ŭ pačatku krasavika, jaje padpisali 190 čałaviek. Jana była adrasavana staršyni Viciebskaha harvykankama Viktaru Nikałajkinu, ale adkaz pryjšoŭ ad jaho namieśnika Piatra Padhurskaha.
U svaim adkazie spadar Padhurski paviedamlaje, što prajektnaja dakumientacyja ŭzhodniena ź Ministerstvam kultury. A padradčyk na vykanańnie rabot pa dobraŭparadkavańni terytoryi dla raźmiaščeńnia pomnika zasnavalnicy horada — kniahini Volzie — abrany ŭ vyniku dziaržzakupki.
Nazvu padradčyka čynoŭnik vyrašyŭ zachavać u tajamnicy. Na sajcie Nacyjanalnaha centra markietynhu i kanjunktury cen adznačana, što abiedźvie zakupki na praviadzieńnie hetych rabot nie adbylisia.
