Reakcyi na źbićcio Čałaha: «Kali nie znojduć — nu sami razumiejecie»
Źbićcio ekanamista Siarhieja Čałaha šakavała ludziej. Mnohija źviartajuć uvahu, što incydent zdaryŭsia ŭ centry Minska, našpihavanym kamierami videanazirańnia.
«Kali napadnikaŭ znojduć, to my ŭsie daviedajemsia, chto heta. Kali napadnikaŭ u centry horada, dzie ŭsio abtykana kamierami, chodziać patruli i h.d. nie znojduć, — nu, sami razumiejecie», — piša minski aktyvist Anton Matolka.
«Kali ŭ zaviešanym videakamierami Miensku milicyja nie znojdzie i nie pasadzić na łavu padsudnych tych, chto źbiŭ Čałaha — heta 100-adstotkavaja śpiecapieracyja śpiecsłužbaŭ», — tuju samuju dumku pravodzić biznesoviec Źmicier Daškievič.
Mnohija adznačajuć taksama, što spłanavanyja napady redka kali adbyvajucca ŭ centry horada, na vychadzie z bara i, tym bolš, u prysutnaści dvuch siabroŭ. Tak, žurnalist Jaŭhien Sudziłoŭski zaznačaje, što Čały, imavierna, staŭ achviaraj pabytovaj razborki.