Iłan Mask anansavaŭ vysakachutkasnuju padziemnuju mahistral Loop u Łos-Andželesie z koštam prajezdu $1
18 maja kiraŭniki Boring Company Iłan Mask i Styŭ Devis raspaviali niekalki padrabiaznaściej pra svaje płany pa stvareńni Loop — novaha vidu haradskoha transpartu ŭ Łos-Andželesie, piša TechCrunch.
Na mahistrali buduć jeździć elektryčnyja kapsuły — u kožnaj zmohuć źmiaścicca 16 pasažyraŭ. Maksimalnaja chutkaść kapsuł składzie 241 km/h. Mask spadziajecca, što Loop budzie dapaŭniać isnujučyja transpartnyja sistemy i linii hramadskaha transpartu.
Kampanija pačnie z testavaha tunela daŭžynioj 4 kiłamietry. U pierśpiektyvie raspracoŭka The Boring Company dazvolić haradžanam pieramiaščacca pamiž centram horada i aeraportam za vosiem chvilin.
Kiraŭniki The Boring Company padčas vystupu ŭdakładniali roźnicu pamiž Loop i Hyperloop, ale adznačyli, što abiedźvie sistemy zmohuć uzajemadziejničać.
