U Vilejskim rajonie pastavili infarmacyjny stend u honar BNR FOTAFAKT
Vilejskija i čyścinskija aktyvisty pastavili infarmacyjny stend u vioscy Baturyna, što ŭ Vilejskim rajonie, paviedamlaje «Rehijanalnaja hazieta».
Stend ustalavany na pryvatnym padvorku Ireny Hadleŭskaj. Jon dastaŭsia ŭ spadčynu ad dzieda, Uładzimira Hiejna.
Jon naradziŭsia ŭ 1901 hodzie ŭ vioscy Kaciali (siońnia Łahojski rajon), u 1921 h. razam z usioj radnioj pierajšoŭ saviecka-polskuju miažu ŭ Baturyna, što było na polskim baku. 2 vieraśnia 1940 hoda, paśla prychodu savieckaj ułady, byŭ aryštavany jak zdradnik i polski špijon. Asudžany 9 studzienia 1941 hoda da 8 hod źniavoleńnia ŭ łahierach, ź jakich tak i nie viarnuŭsia.
Dla ŭstalavańnia stenda sioleta supali try kruhłyja daty, jakija datyčacca baturynskaha kaścioła i majuć suviaź ź jaho isnavańniem. Pieršaja — 155-hodździe paŭstańnia Kalinoŭskaha, paśla jakoha impierski hienierał Muraŭjoŭ-viešalnik pieratvaryŭ Baturynskuju ŭnijackuju carkvu ŭ pravasłaŭnuju. Druhoje — 100-hodździe abviaščeńnia BNR kala kaścioła. Treciaja — 75-hodździe trahičnaha kanca isnavańnia kaścioła, jaki byŭ spaleny fašystami ŭ 1943 hodzie.
U mierapryjemstvie pa adkryćci stenda ŭdzielničali krajaznaŭcy, hramadskija aktyvisty, miascovyja žychary Vilejščyny i hości. Siarod arhanizataraŭ — Dzianis Kaniecki, Pavieł Chavanski, Aleś Ratkievič, Leanid Kuleš.
