Rasijanie znoŭ ličać Biełaruś najbolš pryjaznaj krainaj
Rasijski fond hramadskaj dumki apublikavaŭ vyniki apytańnia ab partniorach Rasii. Respandentam prapanoŭvali adkazać na pytańnie: «Ź jakimi z hetych krain, na vašu dumku, u Rasii ciapier najbolš blizkija, siabroŭskija adnosiny?» I pieršaje miesca ŭ pieravahach rasijan znoŭ zaniała Biełaruś.
59% respandentaŭ ličyć, što mienavita naša kraina maje z Rasijaj ciapier najbolš blizkija i siabroŭskija adnosiny. U 2017 hodzie ź pieršaj pazicyi Biełaruś ssunuŭ Kitaj (Biełaruś była lidaram u 2014-2016 hadach), ale pa vynikach apytańnia u 2018 hodzie Biełaruś znoŭ nazvana najbolš pryjaznaj krainaj.
Dalej rasijanie ź vialikim adstavańniem adznačyli siarod samych pryjaznych Kazachstan (40%) i Turcyju (26%). Ukraina ŭ hetym śpisie z 1% idzie na 16-m miescy, a ŭ śpisie krain z samymi drennymi adnosinami z Rasijaj idzie druhoj paśla ZŠA.
Takija vyniki nie tolki śviedčać ab prapahandzie ŭ rasijskaj miedyjaprastory, jany adlustroŭvajuć i dosyć ustojlivyja stereatypy ŭ masavaj śviadomaści, pišuć «Viedomosti».
Ujaŭleńnie, što jość dobry narod, jaki apamiatajecca i vierniecca da Rasii, zastajecca ŭ rasijan adnosna Biełarusi — u adroźnieńnie ad Ukrainy Biełaruś nie padkreślivaje, što choča adarvacca ad Rasii i stać bližej da Jeŭropy; va Ukrainie paskorana farmujecca novaja identyčnaść z aporaj na nacyjanalny ruch i zamienaj savieckich simvałaŭ,
a ŭ biełaruskaj viersii historyi jość miesca i savieckamu pieryjadu, a ŭsie kanflikty Maskvy i Minska nie vynosiacca na publiku,
ličyć rasijskaje vydańnie.