Šviejcarcy nie puścili siońniašnich supiernikaŭ biełarusaŭ u čverćfinał
iihf.com
Na čempijanacie śvietu pa chakiei, što prachodzić u Danii, siońnia zaviaršajecca hrupavy turnir. U našaj hrupie zbornaja Šviejcaryi pieramahła Francyju 5:1 i vyjšła ŭ 1/4 finału.
Šviecyja — 17 (6 hulniaŭ), Rasija — 16 (6), Čechija — 15 (7), Šviejcaryja — 12 (7), Słavakija — 8 (6), Francyja — 6 (7), Aŭstryja — 4 (7), Biełaruś — 0 (6).
Takim čynam matč Słavakija — Biełaruś (pačatak u 17:15) nie maje značeńnia ni dla adnaho z supiernikaŭ. Słavaki navat u vypadku pieramohi nie vyjduć u čverćfinał, jany zastajucca na piatym miescy.
U 21:15 pačniecca matč Šviecyja — Rasija, jaki vyrašyć, chto zojmie pieršaje miesca ŭ hetaj hrupie. Čechi finišavali na trecim
U inšaj hrupie Finlandyja pieramahła ZŠA ź likam 6:2 i zaniała pieršaje miesca. U 1/4 finału finy ŭ čaćvier zhulajuć sa Šviejcaryjaj, a ZŠA — z Čechijaj.
Finlandyja — 16 (7), ZŠA — 16 (7), Kanada — 12 (6), Danija — 11 (6), Łatvija — 10 (6), Hiermanija — 7 (6), Narviehija — 6 (7), Paŭdniovaja Kareja — 0 (7).
A 17:15 projdzie matč Kanada — Hiermanija, ale cikavaja hulnia pačniecca ŭ 21:15: Łatvija — Danija. Kamanda, što pieramoža, vyjdzie ŭ 1/4 finału.
Nahadajem, što zbornaja Biełarusi pakidaje elitny dyvizijon, u nastupnym hodzie našy chakieisty zhulajuć u dyvizijonie 1A, jaje supiernikami stanuć zbornyja Paŭdniovaj Karei, Vienhryi, Słavienii, Kazachstana i Litvy.
Miesca praviadzieńnia turniru, što projdzie ŭ krasaviku nastupnaha hoda, stanie viadoma pry kancy tydnia.
