«Adrezaŭ hałavu i vykinuŭ u raku» — za što viaskoviec z-pad Rečycy atrymaŭ pažyćciovy termin
Homielski abłasny sud ahučyŭ vyrak 63-hadovamu viaskoŭcu, jakoha vinavacili ŭ naniasieńni ciažkich cialesnych paškodžańniach i zabojstvie, paviedamlaje sb.by.
Zdaryłasia ŭsio ŭ vioscy Alaksandraŭka Rečyckaha rajona ŭ śniežni 2017 hoda. Abvinavačany, vypivajučy z adnaviaskoŭcam, uspomniŭ jamu staruju kryŭdu. Maŭlaŭ, kali jon lažaŭ u lakarni, to pryjaciel zalez u dom i vynies pradukty. Na fonie śpirtnoha vyrašyŭ pravučyć hościa draŭlanaj pałkaj. Źbitaha vyšturchaŭ za paroh i loh spać.
Ranicaj jon znajšoŭ adnaviaskoŭca ŭ dvary. Prykmiet žyćcia toj nie padavaŭ.
Dalej abvinavačany čamuści razrezaŭ trup susieda. Hałavu vykinuŭ u raku, a cieła vyciahnuŭ za dom na pustku ŭ lasnym masivie, dzie i pakinuŭ. Paśla patelefanavaŭ siastry i pryjacielu, paviedamiŭšy, što «napeŭna, zabiŭ čałavieka i chutka siadzie».
Padčas sudovaha pracesu fihurant nastojvaŭ na tym, što zabivać nie płanavaŭ. Chacieŭ tolki pravučyć.
U vyniku, mužčynu (jaki raniej užo mieŭ sudzimaści) asudzili da pažyćciovaha źniavoleńnia ŭ kałonii asablivaha režymu. Prysud pakul nie ŭstupiŭ u siłu.
