Terminy ŭviadzieńnia bijamietryčnych pašpartoŭ i ID-kart u Biełarusi mohuć ssunuć na paŭhoda-hod
Terminy źjaŭleńnia ŭ Biełarusi bijamietryčnych pašpartoŭ mohuć zrušyć, paviedamiŭ načalnik departamienta pa hramadzianstvie i mihracyi MUS RB Alaksiej Biahun. Raniej paviedamlałasia, što novyja pašparty i ID-karty buduć uviedzienyja z 1 studzienia 2019 hoda.
— Ad idei ź bijamietryčnymi pašpartami nichto nie admoviŭsia, praces prosta nie rekłamujecca. Vyrašajucca ŭsie arhanizacyjnyja pytańni: prynamsi MUS i Minfin vykonvajuć usie va ŭstanoŭlenyja terminy, — raspavioŭ TUT.BY načalnik departamienta pa hramadzianstvie i mihracyi MUS Biełarusi Alaksiej Biahun.
Raniej paviedamlałasia, što bijamietryčnyja pašparty i ID-karty mohuć źjavicca ŭ Biełarusi ŭžo ŭ studzieni 2019 hoda. Ale hetyja terminy mohuć ssunuć.
— Jość, na žal, peŭnaja zatrymka, źviazanaja z tak zvanaj Biełaruskaj intehravanaj raźlikovaj servisnaj sistemaj (BISRS). Jana źviazanaja z uvachodžańniem ID-karty ŭ elektronny ŭrad. Hetaje pytańnie, ja dumaju, budzie vyrašana ŭ pačatku červienia, a potym zmožam jašče raz sinchranizavać terminy. Kali BISRS budzie nie paśpiavać — chutčej za ŭsio, ssuniem terminy ŭviadzieńnia bijamietryčnych dakumientaŭ na siaredzinu nastupnaha hoda, - skazaŭ Alaksiej Biahun. — Ale adnaznačna heta nie budzie źviazana ź siezonam adpačynkaŭ, tamu my dumajem, što budzie praciah terminu vykanańnia daručeńnia prezidenta na hod ci minimum na 9 miesiacaŭ