Z revieniu moža atrymacca šykoŭny viasnovy piroh RECEPT i FOTY
Śviatłana Miciul, što padzialiłasia svaim receptam piraha, raskazvaje:
«Pakul zamuž nie vyjšła, ni razu nie kaštavała revień. A ŭ baćkoŭ muža tradycyja: piačy viasnoj piroh z maładymi ściobłami revieniu. Ničoha jašče nie vyrasła, navat liścia na drevach niama, a revień ŭžo jość».
Tart z revieniem i zavarnym kremam
Ciesta — piasočnaje.
- 125 h. miakkaha masła;
- 3-4 stałovyja łyžki śmiatany;
- 1,5 šklanki muki.
Usio źmiašać u hładki šar, pakłaści ŭ chaładzilnik na hadzinu, paśla hetaha raskačać na formu 20ch30 sm, nie zabyvajučy pra barty. Znoŭ adpravić u chaładzilnik na paŭhadziny.
Razahreć duchoŭku da 180°S. Ciesta nasiekčy videlcam, vykłaści źvierchu piakarskija baby abo zvyčajnuju fasolu. Piačy 30 chvilin, prybrać baby, dapiačy jašče chvilin 5-7 da załacistaści, dastać, pakinuć astyvać.
Krem: zavarny z vanilinam.
- Małako — 500 mł;
- Jajki — 2 št;
- Cukar — 100 hr.;
- Kukuruzny kruchmał — 30 hr.;
- Vanil — 1 stručok;
- Masła —50 hr.;
- Viarški, 33% — 200 mł.
Dla pačatku ačyścić struk vanili dy skłaści ściablinki i siemački ŭ kastrulu z małakom.
Choć vanilnyja ekstrakty i esencyi zručniejšyja va ŭžyvańni, ale sapraŭdny vanilny smak varty taho, kab nie palenavacca i znajści sapraŭdnuju vanil dla hetaha kremu.
Pastavić małako na plitu i davieści da kipieńnia. Pryniać z ahniu.
Jajki spałučyć z cukram i kruchmałam i dobra pieramiašać.
Akuratna zalić małako ŭ jaječnuju sumieś praź siaredniaje sita, uvieś čas pamiešvajučy.
Pieralić krem nazad u kastrulu i pastavić na ahoń.
Varyć krem, pamiešvajučy, pakul jon nie pačnie husnuć. Pry hetym źjaviacca vialikija burbałki. Pavaryć jašče paru chvilin paśla zakipańnia.
U samym kancy dadać masła i dobra raźmiašać, pakul jano nie razydziecca. Pryniać z ahniu i pieralić ŭ kubak.
Nakryć charčovaj plonkaj, tak, kab jana dakranałasia pavierchni kremu. Prybrać u chaładzilnik na 2—3 hadziny.
Revień:
700 hr. pamyć, ačyścić ad vierchniaha ćviordaha płasta, parezać na brusočki prykładna ŭ 10 santymietraŭ; vykłaści ŭ formu ŭ adzin płast. Źvierchu raŭnamierna zasypać 170 hr. cukru, źmiešanaha z pakiecikam vanilnaha cukru (~ 7 hr.), palić sokam dvuch siarednich apielsinaŭ. Pastavić u duchoŭku na 190°S, hatavać kala 20 chvilin. Revień stanie miakkim, ale budzie jašče trymać formu. Sirop ža budzie ledź prykmietna kipieć. Dastać, astudzić.
Usio sabrać ŭ tart: vykłaści na ciesta krem, razraŭnavać, źvierchu akuratna vykłaści revień, palić siropam. Dadatkova možna pasypać fistaškami.
Smačna jeści!
