Pasoł: Va Ukrainy pakul niama pierśpiektyvy siabroŭstva ŭ ES
Ukraina pa mnohich pryčynach pakul nie maje pierśpiektyvy siabroŭstva ŭ Jeŭrasajuzie. Pra heta na pasiadžeńni kruhłaha stała «Jeŭrapiejski vybar Ukrainy paśla Revalucyi hodnaści: mahčymaści i prablemy» zajaviŭ kiraŭnik pradstaŭnictva Jeŭrapiejskaha Sajuza va Ukrainie Chiuh Minhareli.
«Turcyja z krainami Bałkan — adzinyja krainy, jakija viaduć pieramovy, kab dałučycca da Jeŭrapiejskaha sajuza. U ich jość vyraznaja pierśpiektyva siabroŭstva ŭ ES. U vypadku Ukrainy siońnia niama pierśpiektyvy siabroŭstva ŭ ES», - skazaŭ pasoł.
Pavodle jaho słoŭ, meta Pahadnieńnia ab asacyjacyi Ukraina — ES zaklučajecca ŭ tym, kab spryjać palityčnaj asacyjacyi i ekanamičnaj intehracyi, ale jana nie daje pierśpiektyvy členstva.
«Heta vialikaje rasčaravańnie dla našych ukrainskich partnioraŭ, tamu što jany chacieli b mieć pierśpiektyvu siabroŭstva ŭ ES, ale pakul pa šerahu pryčyn Jeŭrasajuz nie moža prapanavać hetuju pierśpiektyvu», - padkreśliŭ jon.