Navukoŭcy vyśvietlili, čamu Pizanskaja vieža nie padaje
Hrupa daśledčykaŭ z Departamienta hramadzianskaha budaŭnictva Brystala vyśvietliła pryčyny ŭstojlivaści Pizanskaj viežy, jakaja vytrymała čatyry bujnyja ziemlatrusy, jakija adbylisia ŭ rehijonie z 1280 hoda. Vyśvietliłasia, što hałoŭnuju rolu adyhrała źjava, jakaja nazyvajecca «dynamičnyje uzajemadziejańnie u struktury hleby».
Pabudavanaja ŭ XIV stahodździ Pizanskaja vieža (Italija) pierad restaŭracyjnymi pracami ŭ 1990-2001 hadach była nachilenaja pad vuhłom u piać hradusaŭ z-za maleńkaha padmurka i miakkaj hleby. Zrušeńnie viaršyni 58-mietrovaha budynka pry hetym składała piać mietraŭ. Adnak vieža zastavałasia ŭstojlivaj navat padčas mocnych padziemnych šturškoŭ, choć, na dumku inžynieraŭ, jana pavinna była razburycca pry ŭmieranaj siejśmičnaj aktyŭnaści.
Daśledčyki vyśvietlili, što značnaja vyšynia i ćviordaść kanstrukcyi viežy ŭ spałučeńni ź miakkaściu padmurka źmianiajuć vibracyju hruntu takim čynam, što budynak pierastaje rezanavać z rucham ziamli padčas šturškoŭ.